മലപ്പുറം: മുസ്ലിം ലീഗിന്റെ അഖിലേന്ത്യ ജനറൽ സെക്രട്ടറി പി.കെ. കുഞ്ഞാലിക്കുട്ടി അടുത്ത കേരള മുഖ്യമന്ത്രിയായി വരണമെന്ന ആഗ്രഹം സുന്നി മഹല്ല് ഫെഡറേഷൻ (SMF) പരസ്യമായി പ്രകടിപ്പിച്ചു. മലപ്പുറം ചെമ്മാട് ദാറുൽ ഹുദയിൽ നടന്ന SMF ഗോൾഡൻ ജൂബിലി പ്രഖ്യാപന വേദിയിലായിരുന്നു ഈ പ്രസ്താവന.
പ്രസംഗം കേട്ടപ്പോൾ പി.കെ. കുഞ്ഞാലിക്കുട്ടി അടക്കമുള്ള നേതാക്കൾ പുഞ്ചിരിയോടെയാണ് പ്രതികരിച്ചത്. മെയ് 4-ാം തിയ്യതി വോട്ടെണ്ണൽ കഴിയുമ്പോൾ കുഞ്ഞാലിക്കുട്ടി മുഖ്യമന്ത്രിയാവുമെന്ന് SMF നേതാവ് അസ്ലം മഷ്ഹൂർ തങ്ങൾ പ്രഖ്യാപിച്ചു.
മുസ്ലിം ലീഗ് പ്രസിഡന്റ് പാണക്കാട് സ്വാദിഖലി തങ്ങൾ അടക്കം മുതിർന്ന നേതാക്കൾ വേദിയിൽ ഉണ്ടായിരുന്നു. യുഡിഎഫ് അധികാരത്തിൽ വന്നാൽ കുഞ്ഞാലിക്കുട്ടിയുടെ സ്ഥാനത്തെക്കുറിച്ച് രാഷ്ട്രീയ ചർച്ചകൾ സജീവമാകുന്നതിനിടെയാണ് ഈ പ്രഖ്യാപനം വന്നത്. SMF-ന്റെ വേദിയിൽ നിന്നുള്ള ഈ പ്രസ്താവന ശ്രദ്ധേയമാണ്.
Photo and News Source: Janmabhumi
