ന്യൂഡൽഹി: ഡൽഹി മദ്യനയക്കേസിൽ ഡൽഹി ഹൈക്കോടതി ജഡ്ജി ജസ്റ്റിസ് സ്വർണകാന്ത ശർമ്മയുടെ മുന്നിൽ ഹാജരാകാൻ ആം ആദ്മി പാർട്ടി നേതാവ് അരവിന്ദ് കെജ്രിവാൾ വിസമ്മതിച്ചു. തനിക്ക് നീതി ലഭിക്കുമെന്ന പ്രതീക്ഷ തീർന്നതായും ജഡ്ജിയുടെ നിഷ്പക്ഷതയിൽ വിശ്വാസം നഷ്ടപ്പെട്ടതായും അദ്ദേഹം കത്തിൽ വ്യക്തമാക്കി.
ജസ്റ്റിസ് ശർമ്മയുടെ മക്കൾ കേന്ദ്ര സർക്കാരിന്റെ അഭിഭാഷകരായും, സോളിസിറ്റർ ജനറൽ തുഷാർ മേത്തയുമായി ബന്ധമുള്ളവരുമായതിനാലാണ് കെജ്രിവാൾ ഹർജി നൽകിയത്. കൂടാതെ, ജഡ്ജി ആർഎസ്എസ് സംഘടനകളുടെ പരിപാടികളിൽ പങ്കെടുത്തിരുന്നതും അദ്ദേഹം ചൂണ്ടിക്കാട്ടി.
ഗാന്ധിയൻ തത്വങ്ങളെ പിന്തുടർന്ന് കെജ്രിവാൾ നേരിട്ടോ അഭിഭാഷകൻ മുഖേനയോ കോടതിയിൽ ഹാജരാകില്ലെന്നും, 'നീതി നടപ്പിലാക്കുക മാത്രമല്ല, അത് നടപ്പിലാക്കുന്നു എന്ന് ബോധ്യപ്പെടുത്തുകയും വേണം' എന്ന തത്വം ഇവിടെ പാലിക്കപ്പെടുന്നില്ലെന്നും അദ്ദേഹം വ്യക്തമാക്കി. സ്വന്തം മനഃസാക്ഷിയുടെ വിളി കേട്ടാണ് ഈ തീരുമാനമെടുത്തതെന്നും അദ്ദേഹം സൂചിപ്പിച്ചു.
Photo and News Source: Mathrubhumi
