ഡൽഹിയിൽ വെച്ച്, പശ്ചിമ ബംഗാളിലെ ഭാംഗറിൽ നിന്നും 79 നാടൻ ബോംബുകൾ കണ്ടെടുത്ത സംഭവത്തിൽ ദേശീയ അന്വേഷണ ഏജൻസി (എൻഐഎ) അന്വേഷണം ഏറ്റെടുത്തു. കേന്ദ്ര ആഭ്യന്തര മന്ത്രാലയത്തിന്റെ നിർദ്ദേശപ്രകാരം ഞായറാഴ്ച രാത്രിയോടെ കേസ് രജിസ്റ്റർ ചെയ്തു. സൗത്ത് 24 പര്ഗാനാസ് ജില്ലയിലെ ഭാംഗറില് തൃണമൂല് കോണ്ഗ്രസ് പ്രവര്ത്തകനായ റഫീക്കുല് ഇസ്ലാം എന്നയാളുടെ വീട്ടിൽ നിന്നാണ് ബോംബുകളും സ്ഫോടകവസ്തുക്കളും കണ്ടെത്തിയത്.
രഹസ്യ വിവരത്തെ തുടര്ന്ന് കൊൽക്കത്ത പോലീസ് നടത്തിയ പരിശോധനയിലാണ് ഈ കണ്ടെത്തൽ നടന്നത്. സ്ഫോടകവസ്തു നിയമം, ഭാരതീയ ന്യായ സംഹിത എന്നിവയിലെ പ്രസക്ത വകുപ്പുകളിലാണ് എഫ്.ഐ.ആർ രജിസ്റ്റർ ചെയ്തിരിക്കുന്നത്. സംസ്ഥാനത്ത് ബോംബ് നിർമ്മാണത്തിൽ ഏർപ്പെട്ടിരിക്കുന്നവരെ കണ്ടെത്താനായി തിരഞ്ഞെടുപ്പ് കമ്മീഷൻ ബംഗാൾ പോലീസിന് പ്രത്യേക തിരച്ചിലിന് നിർദ്ദേശം നൽകി.
എല്ലാ സ്ഫോടകവസ്തു സംബന്ധിയായ കേസുകളും ഇനി മുതൽ എൻഐഎ തന്നെ അന്വേഷിക്കുമെന്ന് തിരഞ്ഞെടുപ്പ് കമ്മീഷൻ വ്യക്തമാക്കി. ക്രമസമാധാന പാലനത്തിൽ വീഴ്ച വരുത്തുന്ന ഉദ്യോഗസ്ഥർക്കെതിരെ കർശന നടപടി ഉള്ളതായി കമ്മീഷൻ മുന്നറിയിപ്പ് നൽകി. ഏപ്രിൽ 29-ന് രണ്ടാം ഘട്ട വോട്ടെടുപ്പ് നടക്കുന്ന ഭാംഗറിൽ നടന്ന ഈ സംഭവം രാഷ്ട്രീയ വൃത്തങ്ങളിൽ വലിയ ചർച്ചയായി മാറി.
Photo and News Source: Sathyam Online
