ഡോ. ജോൺ ബ്രിട്ടാസ് എം.പി. തനിക്കെതിരെയുള്ള വ്യാജ പ്രചാരണത്തിനെതിരെ ശക്തമായ നടപടി ആവശ്യപ്പെട്ട് കേരള പോലീസ് മേധാവിക്ക് പരാതി നൽകി. സാമൂഹിക മാധ്യമങ്ങളിൽ വ്യാജവും അപകീർത്തികരവുമായ പോസ്റ്ററുകൾ പ്രചരിപ്പിക്കുന്നവർക്കെതിരെ കർശന നടപടി ആവശ്യപ്പെട്ടു. ഒരു പ്രമുഖ പത്രത്തിന്റെ പേരും ലോഗോയും ദുരുപയോഗം ചെയ്താണ് ഇത്തരം പോസ്റ്ററുകൾ നിർമ്മിക്കുന്നത്. തന്നെ അപകീർത്തിപ്പെടുത്താനും പൊതുസമൂഹത്തിൽ തെറ്റിദ്ധാരണ പരത്താനുമാണ് വ്യാജ പ്രചാരണം നടത്തിയതെന്ന് അദ്ദേഹം വ്യക്തമാക്കി.
എം. സ്വരാജ് വിഷയത്തിൽ തനിക്ക് ബന്ധമില്ലാത്ത പ്രസ്താവനകൾ ഉൾപ്പെടുത്തി വ്യാജ സോഷ്യൽ മീഡിയ കാർഡുകൾ നിർമ്മിച്ച് പ്രചരിപ്പിക്കുന്നതായും പരാതിയിൽ പരാമർശിച്ചു. തെറ്റായ വിവരങ്ങൾ ജനാധിപത്യ സംവാദങ്ങളെ ദുർബലപ്പെടുത്തുന്നതിന് ലക്ഷ്യമിടുന്നുവെന്നും അദ്ദേഹം ചൂണ്ടിക്കാട്ടി. വ്യാജ വാർത്തയുടെ രേഖകളുമായി പരാതി നൽകിയ ജോൺ ബ്രിട്ടാസ്, കർശന നടപടി ആവശ്യപ്പെട്ടു. സമാനമായ വ്യാജ പ്രചാരണത്തിനു ശേഷമാണ് തനിക്കെതിരെ വ്യാജ കാർഡുകൾ പ്രചരിപ്പിച്ചതെന്നും അദ്ദേഹം വ്യക്തമാക്കി.
Photo and News Source: Kairali News
