കുറവിലങ്ങാട് കോഴാ നരസിംഹ സ്വാമി ക്ഷേത്രത്തിൽ നരസിംഹ ജയന്തി ആഘോഷങ്ങൾ 30-ന് നടക്കുന്നു. 19-ന് ആരംഭിച്ച ദശാവതാര ചന്ദനം ചാർത്ത് 29-ന് വിശ്വരൂപ ദർശനത്തോടെ സമാപിക്കുന്നു. ക്ഷേത്രത്തിൽ വിവിധ കലാപരിപാടികളും സംഗീത കച്ചേരികളും നടന്നു വരുന്നു.
വൈകുന്നേരം 7 മണിക്ക് ടോപ് സിംഗർ ഗായിക ടെസ്സ ബിജോയും ഡോ. പി. ആർ. ജയശ്രീയും കോഴിക്കോട് ശ്രീജു ശ്രീനിവാസും പങ്കെടുക്കുന്ന സംഗീതാരാധന 28-ന് നടക്കും. 29-ന് ശ്രീവത്സം വേണുഗോപാൽ പാഠകം അവതരിപ്പിക്കും. നരസിംഹ ജയന്തി ദിവസം 30-ന് രാവിലെ 7 മണിക്ക് കദളിക്കുല സമർപ്പണവും പഞ്ചരത്നകീർത്തനാലാപനവും നടക്കും.
9 മണിക്ക് കോഴിക്കോട് പ്രശാന്ത് വർമയും സംഘവും മാനസജപഹരി അവതരിപ്പിക്കും. 12 മണിക്ക് ലക്ഷ്മീ നരസിംഹ പൂജയും ഒരുമണി മുതൽ പിറന്നാൾ സദ്യയും സംഘടിപ്പിച്ചിരിക്കുന്നു. വൈകുന്നേരം 5 മണിക്ക് ശ്രുതിലയ വള്ളിച്ചിറ സംഗീത സന്ധ്യ നടത്തും. ക്ഷേത്രഭരണസമിതി നേതൃത്വത്തിൽ പല പരിപാടികളും സംഘടിപ്പിച്ചിരിക്കുന്നു.
Photo and News Source: Sathyam Online
