ഹോർമുസ് കടലിടുക്കിൽ അമേരിക്കയെ പ്രതിരോധിക്കാൻ ഇറാൻ കടലിനടിയിൽ ഒളിപ്പിച്ച സമുദ്ര മൈനുകൾ വിന്യസിച്ചതായി റിപ്പോർട്ടുകൾ.
ലോകത്തെ എണ്ണ വിതരണത്തിന്റെ 20% കടന്നു പോകുന്ന ഈ നിർണായക പാതയിൽ മൈനുകളുടെ വിന്യാസം അന്താരാഷ്ട്ര ഗതാഗതത്തിന് വലിയ ഭീഷണിയായി മാറിയിരിക്കുന്നു. സമുദ്ര മൈനുകൾ എന്നറിയപ്പെടുന്ന ഈ സ്ഫോടകവസ്തുക്കൾ ശത്രു കപ്പലുകളെയും അന്തർവാഹിനികളെയും നശിപ്പിക്കാൻ രൂപകൽപ്പന ചെയ്തവയാണ്.
പതിനാലാം നൂറ്റാണ്ടിൽ ചൈനയാണ് ഈ സാങ്കേതികവിദ്യ ആദ്യമായി ഉപയോഗിച്ചത്. പത്തൊൻപതാം നൂറ്റാണ്ടിൽ അമേരിക്കൻ വിപ്ലവകാലത്ത് പരിഷ്കരിച്ച രൂപത്തിൽ ഇവ പ്രചാരത്തിലായി. ഒന്നാം ലോകമഹായുദ്ധം മുതൽ ഗൾഫ് യുദ്ധം വരെ നീളുന്ന പോരാട്ടങ്ങളിൽ ഇവ തങ്ങളുടെ സാന്നിധ്യം ഉറപ്പിച്ചു.
സാങ്കേതികവിദ്യയുടെ പുരോഗതിയോടെ മൈനുകളും കൂടുതൽ സങ്കീർണമായ രീതിയിൽ രൂപകൽപ്പന ചെയ്യപ്പെടുന്നു. കോൺടാക്റ്റ്, ഇൻഫ്ലുവൻസ്, കൺട്രോൾഡ് എന്നിങ്ങനെ മൂന്ന് പ്രധാന വിഭാഗങ്ങളിലായി ഇവയെ തിരിച്ചിരിക്കുന്നു. കപ്പലുകൾ മൈനുമായി നേരിട്ട് സമ്പർക്കത്തിൽ വരുമ്പോൾ പൊട്ടിത്തെറിക്കുന്നവയാണ് കോൺടാക്റ്റ് മൈനുകൾ. ഇൻഫ്ലുവൻസ് മൈനുകൾ കപ്പലിന്റെ സാമീപ്യം തിരിച്ചറിയുന്നതോടെ പ്രവർത്തിക്കുന്നു.
Photo and News Source: Kvartha
