പത്തനംതിട്ടയിലെ ശബരിമല ക്ഷേത്രത്തിൽ വിഷുക്കണി ദർശനത്തിനായി ആയിരക്കണക്കിന് ഭക്തജനങ്ങൾ ഒത്തുകൂടി. ബുധനാഴ്ച പുലർച്ചെ നാലുമണിക്ക് നട തുറന്നതോടെ ദർശനത്തിനുള്ള വാതിലുകൾ തുറന്നു. നാലരമണി മുതൽ ഏഴരമണി വരെ വിഷുക്കണി ദർശനത്തിനുള്ള അവസരം ലഭിച്ചു. തുടർന്ന് അഭിഷേകവും ഉഷപൂജയും നെയ്യഭിഷേകവും നടത്തി. വിഷു മേടമാസ പൂജകളുടെ ഭാഗമായി 17-ന് സഹസ്ര കലശപൂജയും 18-ന് സഹസ്ര കലശാഭിഷേകവും നടത്താനുണ്ട്. ശനിയാഴ്ച രാത്രി പതിനൊന്നുമണിക്ക് നടയടച്ച് പൂജകൾ പൂർത്തിയാക്കും. മേടമാസ പൂജകളോടനുബന്ധിച്ച് ദർശനം നടത്താൻ വരുന്നവർ വെർച്വൽ ക്യൂ വെബ്സൈറ്റിലൂടെ സ്ലോട്ട് ബുക്ക് ചെയ്യണം.
Photo and News Source: Sathyam Online
