തൃശൂര്: പാറമേക്കാവ് ദേവസ്വം വെടിക്കെട്ട് ശാലയിൽ പരിശോധന നടത്തിയതിൽ നിരോധിത സ്ഫോടക വസ്തുക്കള് കണ്ടെത്തിയില്ല. രാസപരിശോധനയിലൂടെ ഈ വിവരം സ്ഥിരീകരിച്ചു. മുണ്ടത്തിക്കോട് ദുരന്തത്തെ തുടർന്നാണ് പരിശോധന നടന്നത്. നിരോധിത വസ്തുക്കളില്ലാത്തതായി കണ്ടെത്തിയെങ്കിലും, അനുമതിയേക്കാളധികം വെടിക്കെട്ട് സാമഗ്രികള് സൂക്ഷിച്ചെന്ന കേസ് തുടരും.
മുതലമടയിലെ വെടിമരുന്ന് നിർമ്മാണശാലയിൽ നിന്ന് പിടിച്ചെടുത്ത അധിക സാമഗ്രികള് ഉടൻ മാറ്റാനും നിര്വീര്യമാക്കാനും അധികൃതര് നടപടി തുടങ്ങി. 2000 കിലോയാണ് അനുമതിയുള്ളത്. അതിലധികം മരുന്ന് ഇവിടെ കണ്ടെത്തി. ലൈസൻസിനെതിരെ കേസെടുത്തത് പൂരം തകര്ക്കാനുള്ള നീക്കമാണെന്ന് ദേവസ്വം സെക്രട്ടറി ജി. രാജേഷ് ആരോപിച്ചു. ചര്ച്ചയ്ക്ക് മുമ്പ് കേസെടുക്കുന്നതെന്തെന്ന ആക്ഷേപവും ഉയര്ന്നു.
മുണ്ടത്തിക്കോട് ദുരന്തത്തെ തുടർന്ന് സർക്കാര് വിളിച്ചുചേര്ത്ത യോഗത്തില് പൂരത്തിന് കടുത്ത നിയന്ത്രണങ്ങള് ഏര്പ്പെടുത്തി. സാമ്പിളും പ്രധാന വെടിക്കെട്ടുകളും ഒഴിവാക്കി. കുടുമാറ്റം 1 മണിക്കൂറിൽ നിന്ന് 15 മിനിറ്റായി ചുരുക്കി. ഇലഞ്ഞിത്തറ മേളവും മഠത്തില് വരവും പഞ്ചവാദ്യവും നിശ്ചയിച്ച രീതിയില് നടക്കും. എട്ട് ഘടക പൂരങ്ങളും ചടങ്ങുപാലിച്ച് നടക്കും.
Photo and News Source: Janmabhumi
