ബെംഗളൂരുവിലെ വൈറ്റ്ഫീൽഡിലെ ഇമ്മഡിഹള്ളിയിൽ നടന്ന അതീവ ദുരന്ത സംഭവം നാടിനെ നടുക്കിയിരിക്കുന്നു. 13 വയസ്സുള്ള മകളെ തലയിണ ഉപയോഗിച്ച് ശ്വാസം മുട്ടിച്ച് കൊലപ്പെടുത്തിയ ശേഷം, 45 വയസ്സുള്ള വീട്ടമ്മ സുവർണ്ണ ചന്ദ്രശേഖർ ആത്മഹത്യ ചെയ്തതായി പോലീസ് കണ്ടെത്തി. മകളായ തരുണ്യ ചന്ദ്രശേഖറും മരിച്ച നിലയിൽ കണ്ടെത്തി. തിങ്കളാഴ്ച രാവിലെ 11 മണിയോടെ സഹോദരൻ വീട്ടിലെത്തിയപ്പോൾ, വാതിലിൽ തട്ടിയിട്ടും മറുപടി ലഭിക്കാതിരുന്നതിനെ തുടർന്ന് കിടപ്പുമുറി ജനലിലൂടെ നോക്കിയപ്പോൾ ഈ ദുരന്തം പുറത്തുവന്നു. പോലീസ് ഉദ്യോഗസ്ഥരുടെ അഭിപ്രായത്തിൽ, സുവർണ്ണ കുറച്ചുനാളായി കടുത്ത വിഷാദരോഗത്തിന് അടിമയായിരുന്നു. ഭർത്താവ് ചന്ദ്രശേഖർ ഒരു ഐടി കമ്പനിയിൽ കമ്പ്യൂട്ടർ ഓപ്പറേറ്ററാണ്. ‘താന് മരിച്ചാല് മകളെ ആര് നോക്കും’
എന്ന ആശങ്കയായിരുന്നു സുവർണ്ണയെ ഈ ദാരുണമായ പ്രവൃത്തിയിലേക്ക് നയിച്ചതെന്ന് പോലീസ് വെളിപ്പെടുത്തി. തിങ്കളാഴ്ച രാത്രി മൂവരും പുറത്തുനിന്ന് ഭക്ഷണം കഴിച്ചാണ് മടങ്ങിയത്. സുവർണ്ണ തനിക്ക് ക്ഷീണമുണ്ടെന്നും പിറ്റേന്ന് പ്രഭാതഭക്ഷണം ഉണ്ടാക്കാന് കഴിയില്ലെന്നും ഭർത്താവിനോട് പറഞ്ഞിരുന്നു.
Photo and News Source: Janam TV
