ശ്രീകൃഷ്ണപുരത്ത് വെള്ളിനേഴി ഗ്രാമപഞ്ചായത്തിലെ കോരഞ്ചിറ അംഗനവാടിയില് ശനിയാഴ്ച രാവിലെ ശുചീകരണ പ്രവര്ത്തനത്തിനിടയില് അധ്യാപിക വിശാലത്തിനു പാമ്പുകടിയേറ്റു.
ഉടന്തന്നെ ശ്രീകൃഷ്ണപുരം കുടുംബാരോഗ്യ കേന്ദ്രത്തില് എത്തിച്ച് പ്രാഥമിക ചികിത്സ നല്കി. തുടര്ന്ന് ഒറ്റപ്പാലം താലൂക്ക് ആശുപത്രിയിലേക്ക് മാറ്റി വിദഗ്ധ പരിശോധനയും നിരീക്ഷണവും നടത്തി.
അധ്യാപികയുടെ ആരോഗ്യനില നിലവില് തൃപ്തികരമാണെന്ന് റിപ്പോര്ട്ടുകള് സൂചിപ്പിക്കുന്നു. മഴക്കാലത്തിനു മുന്നോടിയായി അംഗനവാടികളില് നടത്തുന്ന ശുചീകരണ പ്രവര്ത്തനങ്ങളില് ഇത്തരത്തിലുള്ള അപകടങ്ങൾ സംഭവിക്കുന്നത് പ്രദേശവാസികളില് ആശങ്കയുണ്ടാക്കുന്നു.
പരിസരങ്ങളിലെ കാടുപിടിച്ചു കിടക്കുന്ന അവസ്ഥ പരിഹരിക്കാന് ഉടനടി നടപടി ആവശ്യമാണെന്ന ആവശ്യവും ഉയരുന്നുണ്ട്.
Photo and News Source: Janam TV
