തെലങ്കാനയിൽ കെ. കവിത പുതിയ പാർട്ടി രൂപീകരിച്ചു. തെലങ്കാന രാഷ്ട്ര സേന (ടിആർഎസ്) എന്നാണ് പേര്. ബിആർഎസ് വിട്ട് ഏഴ് മാസത്തിനുശേഷമാണ് ഈ നടപടി. മുനീറാബാദിൽ വച്ചായിരുന്നു പ്രഖ്യാപനം.
ഹൈദരാബാദിലെ വസതിയിൽ പൂജ നടത്തിയ ശേഷം കവിത പാർട്ടി പ്രഖ്യാപനം നടത്തി. തുടർന്ന് ഗൺപാർക്കിലെ രക്തസാക്ഷി മണ്ഡപത്തിൽ പുഷ്പാർച്ചന നടത്തി. നാടൻ പാട്ടുകളും നൃത്തങ്ങളും അകമ്പടിയായി വലിയ ആഘോഷമായിരുന്നു ചടങ്ങ്.
തെലങ്കാനയുടെ വികസനമാണ് പാർട്ടിയുടെ പ്രധാന ലക്ഷ്യം. പാർട്ടിയുടെ രൂപീകരണം തെലങ്കാന രാഷ്ട്രീയത്തിൽ പുതിയ ചലനങ്ങൾ സൃഷ്ടിക്കുമെന്ന് പ്രതീക്ഷിക്കുന്നു.
Photo and News Source: 24 News
