ഉത്തർപ്രദേശിലെ നോയിഡയിൽ വേതനവർധനവിനായി തൊഴിലാളികൾ സമരം കടുപ്പിക്കുന്നു. മിനിമം വേതനത്തിൽ 21% ഇടക്കാല വർധനവ് സർക്കാർ പ്രഖ്യാപിച്ചെങ്കിലും തൊഴിലാളികൾ ഇത് നിരാകരിച്ചു. ബിജെപി സർക്കാരിന്റെ ഫാസിസ്റ്റ് നീക്കങ്ങളെ വിമർശിച്ച് സി.ഐ.ടി.യു ജനറൽ സെക്രട്ടറി എളമരം കരീം പ്രതികരിച്ചു. ഹരിയാനയിലും നോയിഡയിലും സമരിക്കുന്ന തൊഴിലാളികളെ തീവ്രവാദികളായി ചിത്രീകരിക്കാൻ സർക്കാർ ശ്രമിക്കുന്നുവെന്നും അദ്ദേഹം ആരോപിച്ചു. ലേബർ കോഡുകൾ വന്നതോടെ മിനിമം വേതനം ഇല്ലാതാക്കിയെന്നും അദ്ദേഹം പറഞ്ഞു.
23,000 രൂപ മിനിമം വേതനത്തിനായി സമരം തുടരുന്ന പതിനായിരക്കണക്കിന് തൊഴിലാളികളുടെ പ്രതിഷേധം കൂടുതൽ ശക്തമാക്കാൻ സി.ഐ.ടി.യു തീരുമാനിച്ചു. സി.ഐ.ടി.യു ദേശീയ പ്രസിഡന്റ് സുദീപ് ദത്ത, ജനറൽ സെക്രട്ടറി എളമരം കരീം, ദേശീയ സെക്രട്ടറി എ. ആർ. സിന്ധു എന്നിവരടങ്ങുന്ന സംഘം സമരക്കാരെ ഇന്ന് സന്ദർശിക്കും. തൊഴിലാളികളുടെ ആവശ്യങ്ങൾക്ക് പിന്തുണ പ്രഖ്യാപിക്കാൻ ഈ സംഘം തയ്യാറാണ്.
Photo and News Source: Kairali News
