തെലങ്കാനയിലെ രാഷ്ട്രീയ രംഗത്ത് വലിയ മാറ്റത്തിന് തുടക്കമിട്ടു. മുന് തെലങ്കാന മുഖ്യമന്ത്രി കെ. ചന്ദ്രശേഖര റാവുവിന്റെ മകളും മുന് ബിആര്എസ് നേതാവുമായ കെ. കവിത, പുതിയ പാർട്ടി പ്രഖ്യാപിച്ചു. തെലങ്കാന രാഷ്ട്ര സേന (ടിആര്എസ്) എന്നാണ് പാർട്ടിയുടെ പേര്. മുനീറാബാദിലെ കൺവെൻഷൻ സെന്ററിലായിരുന്നു ചടങ്ങ്. തെലങ്കാനയുടെ വികസനത്തിനും അവരുടെ ആവശ്യങ്ങളുടെ നിറവേറ്റത്തിനുമാണ് പാർട്ടി ലക്ഷ്യമിടുന്നത്. 2029ലെ തിരഞ്ഞെടുപ്പിലാണ് ടിആര്എസ് മത്സരിക്കാൻ ഉദ്ദേശിക്കുന്നത്.
പാർട്ടി പ്രഖ്യാപനത്തിന് മുമ്പായി ഹൈദരാബാദിലെ വസതിയിൽ പൂജയും ഗണപതിയിലെ രക്തസാക്ഷി മണ്ഡപത്തിൽ പുഷ്പാർച്ചനയും നടത്തി. നാടൻ പാട്ടുകളുടെയും നൃത്തങ്ങളുടെയും അകമ്പടിയോടെയായിരുന്നു ആഘോഷം. ബിആര്എസ് പാർട്ടിയിൽ നിന്ന് രാജിവച്ചതിന് ശേഷം ഏഴ് മാസം കഴിഞ്ഞാണ് കവിത പുതിയ പാർട്ടി രൂപീകരിച്ചത്. തെലങ്കാനയുടെ താത്പര്യങ്ങൾ സംരക്ഷിക്കാനുള്ള ബിആര്എസിന്റെ ലക്ഷ്യത്തിൽ നിന്ന് വ്യതിചലിച്ചതായാണ് കവിത വിമർശിക്കുന്നത്. സഹോദരനായ കെ. ടി. രാമ റാവുവുമായുള്ള അഭിപ്രായവ്യത്യാസങ്ങളാണ് രാജിവയ്ക്കാൻ കാരണമായത്.
Photo and News Source: Siraj Live
