ഇപ്പോൾ മാമ്പഴം സീസണാണല്ലോ. തെരുവുകളിൽ മഞ്ഞനിറത്തിൽ മാങ്ങകൾ വിൽപ്പനയ്ക്കെത്തിയിരിക്കുന്നു. എന്നാൽ മഞ്ഞനിറം കണ്ട് വാങ്ങിയവർക്ക് പിന്നീട് അമളി അനുഭവപ്പെടാറുണ്ട്. നല്ല മാമ്പഴം തിരിച്ചറിയാൻ ഫുഡ് സേഫ്റ്റി ആൻഡ് സ്റ്റാൻഡേർഡ് അതോറിറ്റി ഓഫ് ഇന്ത്യ (FSSAI) മാർഗനിർദ്ദേശങ്ങൾ നൽകുന്നു.
മാങ്ങകളിൽ കൃത്രിമമായി പഴുപ്പിക്കാൻ കാൽസ്യം കാർബൈഡ് ഉപയോഗിക്കാറുണ്ട്. ഇത് ശരീരത്തിന് ഹാനികരമാണെന്ന് ആരോഗ്യ വിദഗ്ധർ മുന്നറിയിപ്പ് നൽകുന്നു. സ്വാഭാവികമായി പഴുത്ത മാമ്പഴങ്ങൾ പച്ച, മഞ്ഞ, ചുവപ്പ് നിറങ്ങൾ കലർന്നതായിരിക്കും. രാസവസ്തുക്കൾ ഉപയോഗിച്ചവയാകട്ടെ, എല്ലാം ഒരേപോലെ മഞ്ഞനിറവും തിളക്കവുമുണ്ടാക്കും.
നല്ല മാമ്പഴം തിരിച്ചറിയാൻ നിറം, തൊലിയുടെ മൃദുത്വം, മണം എന്നിവ പരിശോധിക്കാം. സ്വാഭാവിക മാങ്ങകൾ മൃദുവായിരിക്കും. കൃത്രിമമായി പഴുപ്പിച്ചവ പുറമെ മൃദുവും അകം കടുപ്പവുമായിരിക്കും. ഞെട്ടിന്റെ ഭാഗത്ത് നല്ല സുഗന്ധം ഉണ്ടാവുകയാണ് സ്വാഭാവികതയുടെ ലക്ഷണം. രാസഗന്ധം ഉണ്ടെങ്കിൽ അത് വ്യാജമാണെന്ന് മനസ്സിലാക്കാം.
Photo and News Source: Kairali News
