തൃശൂർ കോടാലിയിലെ ഒരു വീട്ടിൽ പാമ്പ് കടിയേറ്റ് എട്ടുവയസുകാരൻ മരിച്ച സംഭവത്തെ തുടർന്ന് വീട്ടിൽ വീണ്ടും പാമ്പുകളെ കണ്ടെത്തി. അഞ്ചാമത്തെ പാമ്പിനെ ശുചിമുറിയിൽ നിന്നും കണ്ടെത്തിയതായി ഇന്നലെ രാത്രി നടത്തിയ പരിശോധനയിൽ വ്യക്തമായി. രാത്രി വീട്ടിൽ കിടന്നുറങ്ങുകയായിരുന്ന സഹോദരങ്ങൾക്ക് പാമ്പ് കടിയേറ്റു. ശംഖുവരയൻ പാമ്പിന്റെ കടിയായിരുന്നു അത്. ആശുപത്രിയിലെത്തിച്ചെങ്കിലും എട്ടുവയസുകാരൻ ആൽജോ മരിച്ചു. സഹോദരൻ ഇപ്പോഴും ചികിത്സയിലാണ്. പുലർച്ചെ ബോധരഹിതരായ കുട്ടികളെ കണ്ട മാതാപിതാക്കൾ ശ്രദ്ധിക്കുന്നത് വരെ കാര്യം അറിയില്ലായിരുന്നു.
ആശുപത്രിയിലെത്തിച്ച ശേഷം വീട്ടിൽ നടത്തിയ പരിശോധനയിലാണ് തലയണയുടെ താഴെ പാമ്പിനെ കണ്ടെത്തിയത്. വനം വകുപ്പും സർപ്പ ടീമും പ്രദേശത്ത് പരിശോധന നടത്തി.
Photo and News Source: Kairali News
