ദുബൈ: യുഎഇയിലെ എമിറേറ്റ്സ് മിന്റിങ് ഫാക്ടറി, ദുബൈ ഗോൾഡ് ഡിസ്ട്രിക്റ്റുമായി ചേർന്ന് “പ്രൗഡ് ഓഫ് യുഎഇ” പ്രചാരണത്തിന്റെ ഭാഗമായി ലിമിറ്റഡ് എഡിഷൻ സ്വർണ്ണ, വെള്ളി നാണയങ്ങൾ പുറത്തിറക്കി. ഇൻവെസ്റ്റ്മെന്റ് ഗ്രേഡ് 1-ഔൺസ് സ്വർണ്ണവും വെള്ളിയും ഉപയോഗിച്ചുള്ള ഈ നാണയങ്ങൾ നാണയശേഖരണ പ്രേമികൾക്കും അപൂർവ്വ വസ്തു ശേഖരണത്തിനും വളരെ പ്രയോജനകരമാണ്.
ദുബൈ ഗോൾഡ് ഡിസ്ട്രിക്റ്റിൽ ലഭ്യമായ ഈ നാണയങ്ങൾ യുഎഇയുടെ ചരിത്രത്തിലെ നിർണ്ണായക നിമിഷങ്ങളെ ആദരിക്കുന്നവയാണ്. ലിമിറ്റഡ് എഡിഷൻ നാണയങ്ങളുടെ വിൽപ്പനയിൽനിന്നുള്ള വരുമാനം ഫെർജാൻ ദുബൈയുടെ സാമൂഹിക പ്രവർത്തനങ്ങൾക്കായി ഉപയോഗിക്കും. ഫെർജാൻ ദുബൈ, ദുബൈ കമ്മ്യൂണിറ്റി ലൈഫ് ശക്തിപ്പെടുത്തുന്നതിനുള്ള ഒരു സംരംഭമാണ്.
എമിറേറ്റ്സ് മിന്റിങ് ഫാക്ടറിയുടെ ചെയർമാൻ എസ്.എസ്. അൽ ഫലാസി, ഈ നാണയങ്ങളെ യുഎഇയുടെ ഐക്യദാർഢ്യവും നേതൃത്വവും പ്രതിഫലിപ്പിക്കുന്ന കൃതജ്ഞതയുടെ പ്രതീകമായും വിശേഷിപ്പിച്ചു. ഈ സംരംഭം സമൂഹത്തിൽ സ്വാധീനം ചെലുത്തുന്നതോടൊപ്പം, യുഎഇയുടെ മൂല്യവും ലക്ഷ്യവും ഉൾക്കൊള്ളുന്ന രീതിയിൽ സംഭാവന നൽകുന്നതിൽ എമിറേറ്റ്സ് മിന്റിങ് ഫാക്ടറിക്ക് ഉത്തരവാദിത്തമുണ്ട് എന്നും അദ്ദേഹം അഭിപ്രായപ്പെട്ടു.
Photo and News Source: Samakalika Malayalam
