ന്യൂഡൽഹി: ഇന്ത്യയെ 'നരകക്കുഴി' എന്ന് വിശേഷിപ്പിച്ച ഡോണൾഡ് ട്രംപിന്റെ പോസ്റ്റിനെതിരെ വിദേശകാര്യ മന്ത്രാലയം പ്രതികരിക്കാത്തത് ശ്രദ്ധേയമായി. വിദേശകാര്യ വക്താവ് രൺധീർ ജയ്സ്വാൾ, ചില റിപ്പോർട്ടുകൾ ശ്രദ്ധയിൽ പെട്ടെന്നും അവയെ അവഗണിക്കുകയാണെന്നും വ്യക്തമാക്കി.
ട്രംപ് പങ്കുവെച്ചത് മൈക്കൽ സാവേജിന്റെ വീഡിയോയായിരുന്നു. അതിൽ ഇന്ത്യയും ചൈനയും നരകക്കുഴികളാണെന്നും, കുട്ടികൾക്ക് പൗരത്വം ലഭിക്കാൻ പ്രസവത്തിനായി ആളുകൾ വരുന്നതായി പരിഹസിച്ചിരുന്നു. ഗർഭിണികളായ സ്ത്രീകൾ യുഎസിൽ പ്രസവിച്ചാൽ കുട്ടിക്ക് പൗരത്വം ലഭിക്കുമെന്ന നിയമത്തെ ദുരുപയോഗം ചെയ്യുന്നുവെന്നും സാവേജ് ആരോപിച്ചു.
അമേരിക്കയിലെ പൗരത്വ നിയമത്തെക്കുറിച്ചുള്ള ചർച്ചയ്ക്കിടെയാണ് ഈ വിമർശനം ഉയർന്നത്. സാധാരണ അമേരിക്കക്കാർക്ക് അവസരങ്ങൾ നഷ്ടപ്പെടുന്നതായി സാവേജ് അവകാശപ്പെട്ടു. ട്രംപിന്റെ പോസ്റ്റ് പൊതുജനശ്രദ്ധ നേടിയെങ്കിലും, ഇന്ത്യൻ സർക്കാർ പ്രതികരിക്കാതെ തുടർന്നു.
Photo and News Source: Sathyam Online
