കേരളത്തിലെ ഇൻഷുറൻസ് മേഖല വലിയ വളർച്ചാ സാധ്യതകൾ പ്രകടിപ്പിക്കുന്നുണ്ടെങ്കിലും, നിരവധി പോരായ്മകളും സുതാര്യമല്ലാത്ത പ്രവണതകളും ഈ രംഗത്തെ ബാധിക്കുന്നു. ഇന്ത്യയിലെ മൊത്തം ഇൻഷുറൻസ് പോർട്ട്ഫോളിയോയുടെ 72 ശതമാനം ഹെൽത്ത്, മോട്ടോർ ഇൻഷുറൻസ് വിഭാഗങ്ങളാണ് കൈകാര്യം ചെയ്യുന്നത്. എന്നാൽ ഉപയോക്താക്കൾക്ക് യഥാർത്ഥ ഗുണഫലം ലഭിക്കുന്നില്ല.
ആശുപത്രികളും വാഹന ഷോറൂമുകളും നടത്തുന്ന അന്യായമായ ലാഭമെടുപ്പാണ് ഈ മേഖലയിലെ പ്രധാന തിരിച്ചടി. ഇൻഷുറൻസ് ഉള്ളവരെ കൂടുതൽ പരിശോധനകളും ദൈർഘ്യമേറിയ ചികിത്സയുമായി ബന്ധപ്പെടുത്തി ചില ആശുപത്രികൾ ലാഭം കരുതുന്നു. സമാനമായ അവസ്ഥ വാഹന ഇൻഷുറൻസ് രംഗത്തും നിലനിൽക്കുന്നു. വർക്ക്ഷോപ്പുകളിൽ 1,000 രൂപയ്ക്ക് തീരുന്ന അറ്റകുറ്റപ്പണികൾക്ക് ഷോറൂമുകൾ 5,000 രൂപ വരെ ഈടാക്കുന്നു.
അമിതമായ കമ്മീഷനും അനാരോഗ്യകരമായ മത്സരവും ഈ മേഖലയിലെ വലിയ ഭീഷണിയാണ്. ലൈഫ് ഇൻഷുറൻസിൽ 50-60 ശതമാനം വരെ കമ്മീഷൻ നൽകുന്നുണ്ട്. വാഹന ഇൻഷുറൻസിൽ സ്കൂൾ ബസുകൾക്ക് 70-75 ശതമാനവും ഗുഡ്സ് വാഹനങ്ങൾക്ക് 55 ശതമാനവും കമ്മീഷൻ നൽകുന്നു. ഇത് 'കട്ട് ആൻഡ് പേ' പോലുള്ള തെറ്റായ പ്രവണതകൾക്ക് വഴിയൊരുക്കുന്നു.
Photo and News Source: Dhanam
