തമിഴ്നാട് നിയമസഭാ തിരഞ്ഞെടുപ്പിന്റെ ഭാഗമായി നടന്ന വോട്ടെടുപ്പിൽ പല പ്രമുഖരും ഒരേ പോലുള്ള ഡ്രസ് കോഡിൽ വന്നത് ശ്രദ്ധിക്കപ്പെട്ടു. നടൻ വിജയ്, സിബി സത്യരാജ്, കാളിദാസ് ജയറാം, അണ്ണാമലൈ എന്നിവർ വെള്ള ഷർട്ടും ഇളം കാക്കി പാന്റും ധരിച്ചെത്തിയപ്പോൾ, ചിയാൻ വിക്രം തന്റെ സ്റ്റൈലിഷ് വേഷത്തിലായിരുന്നു.
പ്രധാനമായും ടിവികെ പാർട്ടിയുടെ അനൗദ്യോഗിക ഡ്രസ് കോഡായി മാറിയ ഈ നിറസംയോജനം, തിരഞ്ഞെടുപ്പുമായി ബന്ധപ്പെട്ട് ചർച്ചയാകുകയായിരുന്നു. പാർട്ടി അനുയായികൾ പോലും ഈ നിറങ്ങളിലുള്ള വസ്ത്രം ധരിക്കാൻ തുടങ്ങിയതോടെ, ഈ പ്രതീതി ശക്തമായി.
ഇതിനിടെ മുഖ്യമന്ത്രി എം.കെ. സ്റ്റാലിൻ സമാനമായ ഡ്രസ് കോഡിലാണ് വോട്ടുചെയ്യാൻ എത്തിയത്. ടിവികെയുടെ ഡ്രസ് കോഡിലായിരുന്ന സ്റ്റാലിന്റെ വരവ്, പൊതുജനങ്ങളിൽ പുതിയ ചർച്ചകൾക്ക് വഴിയൊരുക്കി. വെള്ള ഷർട്ടിന്റെ പൊതുവായ ഉപയോഗം സാധാരണമായിരുന്നെങ്കിലും, തിരഞ്ഞെടുപ്പിന്റെ പശ്ചാത്തലത്തിൽ ഇത് പ്രാധാന്യം നേടി.
Photo and News Source: Newsthen
