ചിറയിൻകീഴ് താലൂക്ക് ആശുപത്രിയെതിരെ പിതാവ് ദിലീപ് കടുത്ത ആരോപണം ഉന്നയിച്ചു. എട്ടുവയസ്സുകാരൻ മകൻ പാമ്പുകടിയേറ്റു മരിച്ച സംഭവത്തിൽ ആശുപത്രി അധികൃതരുടെ അനാസ്ഥയാണ് കാരണമെന്ന് അദ്ദേഹം പറഞ്ഞു.
അമ്മൂമ്മയ്ക്കൊപ്പം കിടന്നുറങ്ങുമ്പോൾ കുട്ടിയെ പാമ്പ് കടിച്ചതോടെ ഉടൻതന്നെ ആശുപത്രിയിലേക്ക് കൊണ്ടുപോയി. ആശുപത്രിയിൽ എത്തുന്നതുവരെ കുട്ടി സംസാരിച്ചിരുന്നു. എന്നാൽ അവിടെ എത്തിയതോടെ അസ്വസ്ഥനായി. ഡോക്ടർമാർ രക്തപരിശോധന നടത്തി പ്രശ്നമില്ലെന്ന് പറഞ്ഞു. ശ്വാസംമുട്ടലും സംസാരതടസ്സവും വെറും കഫക്കെട്ടാണെന്ന് അവർ മറുപടി നൽകി.
കുട്ടിയുടെ അസ്വസ്ഥത വീണ്ടും വീണ്ടും പറഞ്ഞിട്ടും ആശുപത്രി അധികൃതർ ഗൗരവമായി എടുക്കാത്തതാണ് മരണത്തിനു കാരണമെന്ന് പിതാവ് ആരോപിച്ചു. നിലവിൽ കുട്ടിയുടെ മൃതദേഹം മെഡിക്കൽ കോളേജ് മോർച്ചറിയിൽ സൂക്ഷിച്ചിരിക്കുന്നു. ആശുപത്രിയുടെ വീഴ്ചയെക്കുറിച്ച് ഉന്നതതല അന്വേഷണം ആവശ്യപ്പെട്ടു.
Photo and News Source: Janam TV
