തൃശ്ശൂർ മെഡിക്കൽ കോളേജിലെ ഫോറൻസിക് വിഭാഗം മേധാവി ടി.എസ്. ഹിതേഷ് ശങ്കർ മുണ്ടത്തിക്കോട് അപകടത്തെക്കുറിച്ച് മാധ്യമങ്ങളോട് വിവരിച്ചു. സ്ഫോടനത്തിൽ ശരീരഭാഗങ്ങൾ ചിതറിത്തെറിച്ച നിലയിലായിരുന്നു കണ്ടെത്തിയത്. ലഭിച്ച 10 മൃതദേഹങ്ങളിൽ 9 എണ്ണം തിരിച്ചറിഞ്ഞു. സ്റ്റെൻ്റ്, മോതിരം, ചെവിയിലെ കടുക്കൻ എന്നിവയിലൂടെയാണ് തിരിച്ചറിയൽ നടത്തിയത്. ഒരെണ്ണം പൂർണമായും കത്തിക്കരിഞ്ഞിരുന്നു. ഡിഎൻഎ പരിശോധനയ്ക്കായി 28 ശരീരഭാഗങ്ങൾ ലാബിലേക്ക് അയച്ചു. രണ്ടു ദിവസത്തിനകം ഫലം ലഭ്യമാകുമെന്നും അദ്ദേഹം വ്യക്തമാക്കി.
പൊള്ളലിനേക്കാൾ പൊട്ടിത്തെറിയാണ് മരണകാരണമായത്. ശരീരഭാഗങ്ങളിൽ നിന്ന് രണ്ട് മോതിരങ്ങൾ കണ്ടെത്തിയതായി ഫോറൻസിക് മേധാവി പറഞ്ഞു. ഒരെണ്ണം ആനവാൽ മോതിരമായിരുന്നു. ഡിഎൻഎ സാമ്പിൾ ശേഖരിക്കാൻ പ്രയാസമുണ്ടാകില്ലെന്നും അദ്ദേഹം ഉറപ്പിച്ചു. അപകടത്തിൽ നിന്ന് ഇപ്പോഴും പൂർണമായി മോചിതരായിട്ടില്ലെന്നും അദ്ദേഹം സൂചിപ്പിച്ചു.
Photo and News Source: Kairali News
