ഡൽഹിയിലെ കോർപ്പറേറ്റ് ജീവിതം ഉപേക്ഷിച്ച് അട്ടപ്പാടിയുടെ മണ്ണിലേക്ക് തിരിച്ചെത്തിയ ശരത് നാരായണൻ, ചെറുധാന്യങ്ങളായ മില്ലറ്റ് കൃഷിയിലൂടെ ഒരു സംസ്കാരവും ജീവിതരീതിയും തിരിച്ചുപിടിക്കാൻ ശ്രമിക്കുന്നു. ഒരുകാലത്ത് ആദിവാസി സമൂഹത്തിന്റെ ഭക്ഷ്യസുരക്ഷ ഉറപ്പാക്കിയിരുന്ന മില്ലറ്റ്, ആധുനികതയുടെ ആവിർഭാവത്തോടെ നഷ്ടപ്പെട്ടു. ശരത് രാജ്യതലസ്ഥാനത്തെ തിരക്കുകളിൽ നിന്ന് വിട്ട്, ഒഡിഷയിലെ കൊറാപ്പൂട്ടിൽ നിന്നുള്ള വിത്തുകൾ ശേഖരിച്ച് അട്ടപ്പാടിയിൽ കൃഷി ആരംഭിച്ചു.
റാഗി, കമ്പ്, മണിച്ചോളം, മക്കാച്ചോളം, കുതിരവാലി, തിന, വരഗ്, രാജ്ഗിര തുടങ്ങിയ ചെറുധാന്യങ്ങളാണ് അദ്ദേഹം കൃഷി ചെയ്യുന്നത്. അട്ടപ്പാടിയിലെ ആദിവാസി ഊരുകളിൽ നിന്നുള്ള അറിവുകളും, എം. എസ്. സ്വാമിനാഥൻ റിസർച്ച് ഫൗണ്ടേഷന്റെയും ‘മില്ലറ്റ് ക്യൂൻ’ റായ്മതി ഗുരിയുടെയും സഹായവും ശരത്തിനെ പ്രചോദിപ്പിച്ചു. വരും സീസണിൽ കൃഷി വ്യാപിപ്പിക്കാനുള്ള ഒരുക്കത്തിലാണ് അദ്ദേഹം. മില്ലറ്റുകളെക്കുറിച്ചും അവയുടെ കൃഷിരീതിയെക്കുറിച്ചും മാതൃഭൂമി ഡോട്ട് കോമുമായി സംസാരിക്കുന്നു.
Photo and News Source: Mathrubhumi
