ന്യൂഡൽഹി: ആഗോള ബുദ്ധിശക്തി സൂചികയായ 2026 ലെ ഐക്യു റാങ്കിംഗ് പുറത്തുവന്നിരിക്കുന്നു. കിഴക്കൻ ഏഷ്യൻ രാജ്യങ്ങളാണ് പട്ടികയിൽ മുന്നിൽ. ദക്ഷിണ കൊറിയ 106.97 സ്കോറോടെ ഒന്നാം സ്ഥാനത്തെത്തിയത് വിദ്യാഭ്യാസ മേഖലയിലെ മികവ് കൊണ്ടാണ്.
ചൈന 106.48 സ്കോറോടെ രണ്ടാം സ്ഥാനത്തും, 106.30 സ്കോറോടെ ജപ്പാൻ മൂന്നാം സ്ഥാനത്തുമെത്തി. ചൈനയുടെ സ്കോർ കഴിഞ്ഞ വർഷത്തെ അപേക്ഷിച്ച് കുറഞ്ഞെങ്കിലും സ്ഥാനം നിലനിർത്തി. സർവേയിൽ വലിയ ജനസംഖ്യയെ ഉൾപ്പെടുത്തിയതിനാൽ ഡാറ്റ വിശ്വസനീയമാണ്.
മറ്റു രാജ്യങ്ങളെക്കാളും കുതിച്ചുചാട്ടം നടത്തിയത് സിംഗപ്പൂരാണ്. മുൻപ് പത്താം സ്ഥാനത്തായിരുന്ന ഇവർ ഇപ്പോൾ നാലാം സ്ഥാനത്തെത്തി. റാങ്കിംഗ് പട്ടികയിൽ മുൻപന്തിയിൽ നിൽക്കുന്ന രാജ്യങ്ങൾ ശാസ്ത്ര-സാങ്കേതിക മേഖലകളിൽ മുന്നിട്ടുനിൽക്കുന്നവയാണ്.
Photo and News Source: Kvartha
