ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവിന്റെ യുദ്ധപദ്ധതി മൂന്ന് അമേരിക്കൻ പ്രസിഡന്റുമാരായ ബരാക് ഒബാമ, ജോർജ് ബുഷ്, ജോ ബൈഡൻ എന്നിവർ തള്ളിയെന്നും, എന്നാൽ ഡൊണാൾഡ് ട്രംപ് അത് അംഗീകരിച്ചുവെന്നും മുൻ യുഎസ് സ്റ്റേറ്റ് സെക്രട്ടറി ജോൺ കെറി വെളിപ്പെടുത്തി.
ദി ലേറ്റ് ഷോ വിത്ത് സ്റ്റീഫൻ കോൾബെർട്ടിൽ കെറി സംസാരിക്കുകയായിരുന്നു. ഒബാമയും ബുഷും ബൈഡനും സമാധാന ശ്രമം അവസാനിച്ചിട്ടില്ലെന്നും, യുദ്ധത്തിനു പോകാൻ തയാറായിരുന്നില്ലെന്നും അദ്ദേഹം വ്യക്തമാക്കി. വിയറ്റ്നാം, ഇറാഖ് യുദ്ധങ്ങളുടെ പാഠം മുന്നിൽ വെച്ചുകൊണ്ടായിരുന്നു അവരുടെ തീരുമാനമെന്നും അദ്ദേഹം ചൂണ്ടിക്കാട്ടി.
ഒരു വിയറ്റ്നാം സൈനികൻ എന്ന നിലയിൽ, അമേരിക്കൻ ജനതയെ വഞ്ചിക്കരുതെന്നും, യുദ്ധത്തിനായി പുത്രന്മാരെയും പുത്രിമാരെയും അയയ്ക്കരുതെന്നുമായിരുന്നു വിയറ്റ്നാം പാഠം. ഇസ്രായേലിനൊപ്പം ചേർന്ന് ഇറാനെ ആക്രമിക്കാൻ നെതന്യാഹു ട്രംപിനെ പ്രേരിപ്പിച്ചതായി റിപ്പോർട്ടുണ്ട്. ഫെബ്രുവരി 11-ലെ സിറ്റുവേഷൻ റൂമിൽ, ഇറാനിൽ ഭരണമാറ്റത്തിനുള്ള സൂചനയുണ്ടെന്നും ധരിപ്പിച്ചിരുന്നു.
Photo and News Source: Asianet News
