ഇറാന്റെ പാർലമെന്റ് സ്പീക്കർ മുഹമ്മദ് ബാഗർ ഗാലിബാഫ് വ്യക്തമാക്കി, അമേരിക്കയുടെ ഉപരോധം നീക്കിയാലും ഇറാന്റെ താത്പര്യങ്ങളും അവകാശങ്ങളും പൂർണ്ണമായി അംഗീകരിച്ചാലും മാത്രമേ അമേരിക്കയുമായുള്ള ചർച്ചകളിലേക്ക് മുന്നോട്ടുപോകൂ. ഹോർമൂസ് കടലിടുക്ക് ഉപരോധമില്ലാതെ തുറന്നുകൊടുക്കില്ലെന്നും അദ്ദേഹം സൂചിപ്പിച്ചു. ഉപാധികളെ അംഗീകരിക്കാതെ നിലവിലെ വെടിനിർത്തൽ നീക്കങ്ങൾ പ്രസക്തിയില്ലെന്ന ഇറാന്റെ നിലപാട് പശ്ചിമേഷ്യൻ പ്രതിസന്ധിയെ കൂടുതൽ സങ്കീർണ്ണമാക്കുന്നു. പാകിസ്ഥാനിൽ നടക്കാനിരിക്കുന്ന അമേരിക്ക-ഇറാൻ സമാധാന ചർച്ചകളും അനിശ്ചിതത്വത്തിലാണ്.
അമേരിക്കൻ പ്രസിഡന്റ് ഡൊണൾഡ് ട്രംപ് വെടിനിർത്തല് നീട്ടിയത് തങ്ങളുടെ വിജയമാണെന്നും ഇറാൻ അവകാശപ്പെട്ടു. പുതിയ തിയതി പ്രഖ്യാപിക്കാതെ വെടിനിർത്തൽ നീട്ടിയതിനാൽ ഇത് കൂടുതൽ നീണ്ടുപോകാനും സാധ്യതയുണ്ട്. സമാധാന ചർച്ച പുനരാരംഭിക്കുമെന്ന പ്രതീക്ഷയിലാണ് ലോകം.
Photo and News Source: Kerala Online News
