പനമരം : കണിയാമ്പറ്റ, മീനങ്ങാടി പഞ്ചായത്തുകളുടെ അതിർത്തിയിലെ അരിമുളയിലും സമീപപ്രദേശങ്ങളായ ഒരപ്പുവയൽ, പുത്തൻവീട് എസ്റ്റേറ്റ്, പൊങ്ങിണിത്തൊടി എന്നിവിടങ്ങളിൽ കടുവയുടെ സാന്നിധ്യം ആശങ്ക ഉയർത്തി. കഴിഞ്ഞ ദിവസം പുത്തൻവീട് എസ്റ്റേറ്റിലും പൊങ്ങിണിത്തൊടിയിലും കടുവയുടെ സാന്നിധ്യം സ്ഥിരീകരിച്ചു. വനപാലകസംഘം സ്ഥലത്തെത്തി പരിശോധന നടത്തി. ബുധനാഴ്ച മേലെ അരിമുളയിൽ റോഡിന് കുറുകേ കടുവയുടെ കാൽപ്പാടുകൾ കണ്ടെത്തി. ഡ്രോൺ നിരീക്ഷണത്തിലൂടെ കടുവ പ്രദേശം വിട്ട് പോയതായി വനംവകുപ്പ് അധികൃതർ സ്ഥിരീകരിച്ചു. പ്രദേശവാസികളുടെ ആശങ്ക കുറഞ്ഞു.
സുരേഷ് എന്ന കർഷകൻ പുത്തൻവീട് എസ്റ്റേറ്റിന് സമീപം കൃഷിചെയ്യവേ കടുവയെ ഓടിപ്പോകുന്നത് കണ്ടതാണ് സംഭവത്തിന്റെ തുടക്കം. തുടർന്ന് തോട്ടത്തിലെ തൊഴിലാളികൾ കടുവയുടെ കാൽപ്പാടുകൾ കണ്ടെത്തി. ഇരുളം ഫോറസ്റ്റ് ഓഫീസിൽ നിന്നുള്ള ഉദ്യോഗസ്ഥർ സ്ഥലത്തെത്തി പരിശോധന നടത്തി. കടുവയുടെ കാൽപ്പാടുകൾ എന്ന് സ്ഥിരീകരിച്ചതോടെ പ്രദേശത്ത് ഭീതി പരന്നു. ബുധനാഴ്ച നടത്തിയ പരിശോധനയിൽ കടുവ പ്രദേശം വിട്ടെന്ന സൂചന ജനവാസ മേഖലയിലും ആശ്വാസം നൽകി. ഇരുളം റേഞ്ച് ഫോറസ്റ്റ് ഓഫീസർ കെ. പി.
അബ്ദ
Photo and News Source: Mathrubhumi
