തൃശൂരിലെ മുണ്ടത്തിക്കോട് സ്ഫോടന ദുരന്തത്തിൽ സംഭവിച്ച നാശനഷ്ടങ്ങൾ പരിഗണിച്ച് സർക്കാർ പ്രത്യേക ഉത്തരവിറക്കി. മരണപ്പെട്ടവരുടെ കുടുംബങ്ങൾക്ക് ഓരോന്നിനും 14 ലക്ഷം രൂപയും പരുക്കേറ്റവർക്ക് 2 ലക്ഷം രൂപയുമായുള്ള സഹായം പ്രഖ്യാപിച്ചു. ദുരന്തത്തെ 'സവിശേഷ ദുരന്തം' എന്ന് പ്രഖ്യാപിച്ചുകൊണ്ടുള്ള ഈ തീരുമാനം, പ്രദേശത്തെ സമഗ്ര പുനരുദ്ധാരണ പാക്കേജിന്റെ ഭാഗമാണ്. അപകടത്തിൽ 14 പേർ മരണമടഞ്ഞതായി സ്ഥിരീകരിച്ചിട്ടുണ്ട്. ഇതിൽ 9 പേരുടെ മൃതദേഹങ്ങൾ മാത്രമേ ഇതുവരെ തിരിച്ചറിയാൻ കഴിഞ്ഞുള്ളൂ.
പോസ്റ്റുമോർട്ടിനുശേഷം ബന്ധുക്കൾക്ക് മൃതദേഹങ്ങൾ കൈമാറി. പരിക്കേറ്റവരിൽ പാലക്കാട് സ്വദേശിയായ പ്രവീൺ ഉച്ചയ്ക്ക് മരണമടഞ്ഞു. ദുരന്തത്തിൽ നിന്നും 32 ശരീരഭാഗങ്ങൾ കണ്ടെത്തിയതിനെ തുടർന്ന് DNA പരിശോധനയ്ക്കായി രാജീവ് ഗാന്ധി ബയോ ടെക്നോളജി സംഘം തൃശൂർ മെഡിക്കൽ കോളജിൽ എത്തി. നിലവിൽ 10 പേർ പരിക്കേറ്റ് ചികിത്സയിലാണ്. അതിൽ ലൈസൻസി സതീഷ് അതീവ ഗുരുതരാവസ്ഥയിലാണ്.
Photo and News Source: Sathyam Online
