ബെംഗളൂരുവിൽ വച്ച് പ്രധാനമന്ത്രി നരേന്ദ്ര മോദിയെ 'ഭീകരവാദി' എന്നു വിളിച്ച രാജ്യസഭാ പ്രതിപക്ഷ നേതാവ് മല്ലികാർജുൻ ഖാർഗെയെ ഉപരാഷ്ട്രപതി സി.പി. രാധാകൃഷ്ണൻ കടുത്ത വിമർശനമുയർത്തി. കറുപ്പും വെളുപ്പും തിരിച്ചറിയാനാകാത്തവിധം നിലയുറപ്പിക്കുകയാണ് ഖാർഗെ എന്നു രാധാകൃഷ്ണൻ പറഞ്ഞു. ഭീകരരെക്കാൾ ഭീകരവിരുദ്ധരെ തിരിച്ചറിയാനും കഴിയാത്തവിധം മനസ്സിലാക്കുന്നതാണെന്നും അദ്ദേഹം ചൂണ്ടിക്കാണിച്ചു.
ബീദറിലെ ഭൽകി ചന്നബസവാശ്രമത്തിൽ ഡോ.ബസവലിംഗ പട്ടദേവരു മഹാസ്വാമിയുടെ 75-ാം ജന്മദിനാഘോഷത്തിൽ സംസാരിക്കുകയായിരുന്നു ഉപരാഷ്ട്രപതി. വേദിയിലിരുന്ന ഖാർഗെയെ പരോക്ഷമായി വിമർശിച്ച അദ്ദേഹം, തന്റെ നല്ല സുഹൃത്താണെന്നും പറഞ്ഞു. പ്രസംഗത്തിന്റെ തുടക്കത്തിൽ വേദിയിലിരിക്കുന്നവരെ അഭിസംബോധന ചെയ്യുന്നതിനിടെ ഖാർഗെയുടെ പേരുപറഞ്ഞപ്പോഴായിരുന്നു വിമർശനം. പ്രധാനമന്ത്രിയെ ഭീകരവാദി എന്നു വിളിച്ച കാര്യം പരാമർശിക്കാതെയായിരുന്നു വിമർശനം.
ഗവർണർ താവർചന്ദ് ഗെഹ്ലോത്, വനം മന്ത്രി ഈശ്വർ ഖാൻഡ്രെ, മന്ത്രി റഹീം ഖാൻ, ബീദർ എം.പി. സാഗർ ഖാൻഡ്രെ എന്നിവരും വേദിയിലുണ്ടായിരുന്നു. ഡോ.ബസവലിംഗ പട്ടദേവരു മഹാസ്വാമിയെ കാരുണ്യത്തിന്റെയും സേവനത്തിന്റെയും മൂർത്തീഭാവമായി വിശേഷിപ്പിച്ച ഉപരാഷ്ട്രപതി, സമത്വം, ധർമ്മം, കാരുണ്യം എന്നിവയിൽ വേരൂന്നിയ സമൂഹം പടുത്തുയർത്താൻ ആഹ്വാനം ചെയ്തു.
Photo and News Source: Mathrubhumi
