വാഷിങ്ടണിൽ നിന്നും: പാകിസ്ഥാൻ മധ്യസ്ഥതയിലുള്ള ചര്ച്ചകള് നിലച്ചതിനെ തുടര്ന്ന് ഇറാനുമായുള്ള വെടിനിര്ത്തല് കരാർ ട്രംപ് നീട്ടി. ഇറാന് തങ്ങളുടെ നിര്ദേശം സമര്പ്പിക്കും വരെ ഈ കരാർ തുടരുമെന്ന് ട്രംപ് പ്രഖ്യാപിച്ചു. ഹോര്മുസ് കടലിടുക്കില് യുഎസിന്റെ നാവിക ഉപരോധം തുടരുമെന്നും അദ്ദേഹം വ്യക്തമാക്കി.
യുദ്ധഭീഷണി മുഴക്കിയ ട്രംപ്, ഇറാനെ സമ്പൂര്ണമായി തകര്ക്കുമെന്നും മുൻപ് പ്രഖ്യാപിച്ചിരുന്നു. എന്നാല്, ഇറാൻ ചര്ച്ചകളില് നിന്ന് വിട്ടുനിന്നതോടെ ഭീഷണിയും ചര്ച്ചയും ഒരുമിച്ച് പോകില്ലെന്ന് വ്യക്തമായി. യുദ്ധം വീണ്ടും ആരംഭിക്കുമോ എന്ന ആശങ്കയിലാണ് ഇപ്പോഴത്തെ വെടിനിര്ത്തല് നീട്ടൽ.
ട്രംപ് അവകാശപ്പെട്ടത്, തന്റെ സൈനിക നീക്കങ്ങളിലൂടെ ഇറാന്റെ നാവിക, വ്യോമസേനകളെ ഇല്ലായ്മ ചെയ്യാനും ആണവ സംവിധാനങ്ങളെ തകര്ക്കാനും കഴിഞ്ഞതായാണ്. ഹോര്മുസിലെ നാവിക ഉപരോധം നിത്യേന 500 മില്യണ് ഡോളറിന്റെ നഷ്ടം ഇറാന് വരുത്തുന്നുവെന്നും അദ്ദേഹം പറഞ്ഞു. ഉപരോധം തുടരുന്നതിലൂടെ ഇറാനെ കരാറിന് പ്രേരിപ്പിക്കാനും കഴിയുമെന്ന് ട്രംപ് വിശ്വസിക്കുന്നു.
പാകിസ്ഥാൻ പ്രധാനമന്ത്രി ഷഹബാസ് ശരീഫ്, വെടിനിര്ത്തല് നീട്ടിയതിന് ട്രംപിന് നന്ദി അറിയിച്ചു. നയതന്ത്ര ചര്ച്ചകള് മുന്നോട്ട് കൊണ്ടുപോകാൻ ഇത് ഉപകരിക്കുമെന്നും അദ്ദേഹം പ്രതികരിച്ചു. യുഎസ് സെന്ട്രല് കമാന്ഡ്, വെടിനിര്ത്തല് വേളയില് ഏത് സാഹചര്യവും നേരിടാന് സേനകളെ സജ്ജമാക്കിയിരിക്കുകയാണെന്ന് പ്രതികരിച്ചു.
Photo and News Source: Malayalam Express
