തൃശ്ശൂരിലെ മുണ്ടത്തിക്കോട്ടെ വയലിൽ വെടിക്കെട്ട് ദുരന്തം ഇപ്പോഴും തുടരുന്നു. തുടർച്ചയായി സ്ഫോടനങ്ങൾ നടക്കുന്നതിനാൽ രക്ഷാപ്രവർത്തകർക്ക് അപകടസ്ഥലത്തേക്ക് പ്രവേശിക്കാൻ സാധിക്കുന്നില്ല. ഡ്രോൺ നിരീക്ഷണത്തിലൂടെ മൃതദേഹം കണ്ടെത്തിയതായി റിപ്പോർട്ട്. ഇതുവരെ 13 പേർ മരണമടഞ്ഞു. 5 പേർ ഗുരുതരാവസ്ഥയിലാണ്. സംസ്ഥാന ഫയർഫോഴ്സ് മേധാവി നിതിൻ അഗർവാൾ, റോബോട്ടിനെ ഉപയോഗിച്ച് തീയണയ്ക്കാനുള്ള ശ്രമം തുടങ്ങുമെന്ന് അറിയിച്ചു. അപകടസ്ഥലത്തെ തീവ്രത മനസിലാക്കാൻ പോലീസ് ഡ്രോണുകളും ഉപയോഗിക്കുന്നുണ്ട്. തീ മറ്റു ഭാഗങ്ങളിലേക്ക് വ്യാപിക്കാതിരിക്കാനാണ് ഇപ്പോൾ ശ്രദ്ധ.
ചൊവ്വാഴ്ച ഉച്ചയ്ക്കുശേഷം മൂന്നരയോടെയാണ് സ്ഫോടനമുണ്ടായത്. തിരുവമ്പാടി ദേവസ്വത്തിന്റെ ലൈസൻസോടെ നടന്ന വെടിക്കെട്ടിൽ സംഭവിച്ച അപകടത്തിൽ പ്രധാന ചുമതലക്കാരനായ സതീശൻ ഉൾപ്പെടെയുള്ളവർക്ക് പൊള്ളലേറ്റു. പരുക്കേറ്റവരെ തൃശ്ശൂർ മെഡിക്കൽ കോളേജിലും സ്വകാര്യ ആശുപത്രികളിലും പ്രവേശിപ്പിച്ചു.
Photo and News Source: Newsthen
