കൊച്ചിയിൽ ഹൈക്കോടതി കേരള-തമിഴ്നാട് അതിര്ത്തിയിലെ മദ്യ നിയന്ത്രണത്തിന് സ്റ്റേ ഏർപ്പെടുത്തി. തമിഴ്നാട് തെരഞ്ഞെടുപ്പിന് മുന്നോടിയായി ഡ്രൈ ഡേ പ്രഖ്യാപിച്ച സംസ്ഥാന സർക്കാരിന്റെ ഉത്തരവിനെ കോടതി ചോദ്യം ചെയ്തു. ജനപ്രാതിനിധ്യ നിയമമനുസരിച്ച് വോട്ടെടുപ്പ് പ്രദേശത്ത് മാത്രമേ മദ്യ നിയന്ത്രണം ഏർപ്പെടുത്താനാകൂ. പോളിങ് പ്രദേശത്തിന് പുറത്ത് നിയന്ത്രണം ഏർപ്പെടുത്താൻ കമ്മീഷനും അധികാരമില്ലെന്ന് കോടതി വ്യക്തമാക്കി.
'ഇത്തരമൊരു ഉത്തരവ് പുറപ്പെടുവിക്കാന് സർക്കാരിന് അധികാരമുണ്ടോ?' എന്ന ചോദ്യം ഉന്നയിച്ചുകൊണ്ട് കുമളിയിലെ ബാറുടമയുടെ ഹർജി കോടതി പരിഗണിച്ചു. അബ്കാരി നിയമത്തിലോ ഫോറിൻ ലിക്വർ റൂളുകളിലോ ഇത്തരമൊരു ഉത്തരവിന് വ്യവസ്ഥയില്ലെന്നും ചീഫ് ഇലക്ടറൽ ഓഫീസർമാർ ആവശ്യപ്പെട്ടതനുസരിച്ചാണ് നടപടിയെന്ന് ഉത്തരവിൽ പറയുന്നുണ്ടെങ്കിലും, അവർക്ക് ഇത്തരമൊരു ആവശ്യം ഉന്നയിക്കാൻ നിയമപരമായ അധികാരമില്ലെന്നും കോടതി ചൂണ്ടിക്കാട്ടി.
നിയമ സാധുത ബോധ്യപ്പെടുത്തിയാലേ ഉത്തരവ് അംഗീകരിക്കുകയുള്ളൂ. ഏപ്രിൽ 21 രാവിലെ 10 മണി മുതൽ ഏപ്രിൽ 23 അർദ്ധരാത്രി വരെ തമിഴ്നാട് അതിര്ത്തിയിൽ നിന്ന് 5 കിലോമീറ്റർ ചുറ്റളവിലുള്ള പ്രദേശങ്ങളിൽ ഡ്രൈ ഡേ പ്രഖ്യാപിച്ച സർക്കാരിന്റെ തീരുമാനമാണ് ഹർജി പരിഗണിച്ചത്.
Photo and News Source: Samakalika Malayalam
