നിയമസഭ തെരഞ്ഞെടുപ്പ്. രണ്ടാം പിണറായി മന്ത്രിസഭയിലെ മന്ത്രിമാരിൽ ആരൊക്കെ ജയിക്കും എന്നത് സംബന്ധിച്ച് എൽ.ഡി.എഫിൽ ആശങ്ക. വോട്ടെടുപ്പിന് ശേഷം സിപിഎമ്മിന് ലഭിച്ച കണക്കിൽ ഒരിടത്തും മന്ത്രിമാർ മത്സരിച്ച മണ്ഡലങ്ങളിൽ തോൽക്കുമെന്ന് റിപോർട്ടില്ല. പെട്ടി പൊട്ടിക്കുമ്പോൾ ഫലം എന്തായിരിക്കുമെന്ന് ഉറപ്പിച്ച് പറയാൻ സിപിഎം ജില്ലാ നേതൃത്വത്തിനോ സംസ്ഥാന നേതൃത്വത്തിനോ കഴിയുന്നില്ലന്നതാണ് അവസ്ഥ

തിരുവനന്തപുരം: നിയമസഭാ തിരഞ്ഞെടുപ്പിന് ഫലം വരാൻ കുറച്ച് ദിവസങ്ങൾ മാത്രമേ ബാക്കിയുള്ളൂ. രണ്ടാം പിണറായി മന്ത്രിസഭയിലെ മന്ത്രിമാരുടെ വിജയത്തെച്ചൊല്ലി എൽ.ഡി.എഫിൽ ആശങ്ക വളരുന്നു. വൈദ്യുതി മന്ത്രി കെ.കൃഷ്ണൻകുട്ടി ഒഴികെ ബാക്കിയെല്ലാവരും മത്സരത്തിൽ നിൽക്കുന്നു. നേമത്ത് വി. ശിവൻകുട്ടി, തൃത്താലയിൽ എം.ബി.രാജേഷ്, തിരൂരിൽ വി. അബ്ദുറഹ്മാൻ, കണ്ണൂരിൽ രാമചന്ദ്രൻ കടന്നപ്പളളി, ഇടുക്കിയിൽ റോഷി അഗസ്റ്റിൻ എന്നിവരുടെ വിജയസാധ്യത സംബന്ധിച്ച് സംശയമുണ്ട്.

കൊട്ടാരക്കരയിൽ ധനമന്ത്രി കെ.എൻ. ബാലഗോപാലും, ആറന്മുളയിൽ ആരോഗ്യമന്ത്രി വീണാ ജോർജും, കളമശേരിയിൽ വ്യവസായമന്ത്രി പി. രാജീവും കടുത്ത മത്സരമാണ് നേരിടുന്നത്. 2021-ൽ ഒരു മന്ത്രി മാത്രമാണ് പരാജയപ്പെട്ടത്. എന്നാൽ ഇത്തവണ വോട്ടെടുപ്പ് ഫലം പ്രവചിക്കാൻ കഴിയുന്നില്ല. പലയിടത്തും അയ്യായിരം വോട്ടിന് താഴെ ഭൂരിപക്ഷമുള്ള മണ്ഡലങ്ങളിൽ വിജയസാധ്യത പ്രവചനാതീതമാണ്. ശക്തമായ ത്രികോണ മത്സരം നടക്കുന്ന നേമത്തിൽ വി.ശിവൻകുട്ടി 2000 വോട്ടിന്റെ ഭൂരിപക്ഷത്തിൽ ജയിക്കുമെന്നാണ് സിപിഎമ്മിന്റെ കണക്കുകൂട്ടൽ. പെട്ടി പൊട്ടിയാലേ യാഥാർത്ഥ്യമറിയൂ.

Photo and News Source: Sathyam Online