ഇടുക്കി നാരകകാനത്ത് വിനോദയാത്രക്കായി എത്തിയ സംഘത്തിന്റെ ജീപ്പ് 50 അടി താഴ്ചയിലേക്ക് മറിഞ്ഞ അപകടത്തിൽ രണ്ടുപേർ മരിച്ചു. കൂത്താട്ടുകുളം സ്വദേശിനിയായ മണ്ണത്തൂര് കാക്കാനിക്കൽ സാറാമ്മ (65) ഉം ആറുമാസം പ്രായമുള്ള കുഞ്ഞും മരണമടഞ്ഞു. മൂന്നുപേർക്ക് ഗുരുതര പരിക്കേറ്റു. വിവാഹശേഷം വിനോദസഞ്ചാരത്തിനായി സെന്റ് തോമസ് മൗണ്ടിലേക്ക് പോയ സംഘം തിരികെ വരുന്ന വഴിയിലായിരുന്നു അപകടം. ജീപ്പ് നിയന്ത്രണം വിട്ടതാണ് കാരണം. ഡബിൾ കട്ടിംഗ് വിവാഹത്തില് പങ്കെടുക്കാനെത്തിയവരായിരുന്നു സംഘത്തിൽ ഉൾപ്പെട്ടിരുന്നത്.
പ്രദേശവാസികളുടെ സഹായത്തോടെ പരിക്കേറ്റവരെ അടിയന്തര ചികിത്സയ്ക്കായി ഇടുക്കി മെഡിക്കൽ കോളേജിലേക്കും കോട്ടയം മെഡിക്കൽ കോളേജിലേക്കും മാറ്റി. ഡ്രൈവറുടെ പരിചയക്കുറവാണ് അപകടത്തിനു കാരണമെന്ന് പ്രാഥമിക നിഗമനം. പരിക്കേറ്റവരിൽ ഡബിൾ കട്ടിംഗ്, കൂത്താട്ടുകുളം സ്വദേശികളായ പലരും ഉൾപ്പെടുന്നു.
Photo and News Source: Siraj Live
