അമ്പലപ്പുഴയിലെ പുന്നപ്രയിൽ വൈദ്യുതി പോസ്റ്റ് ഒടിഞ്ഞ് അപകടം സംഭവിച്ചു. സ്വാതി (22) എന്ന യുവതി മരണമടഞ്ഞു. രാത്രി ഒന്നരയോടെ പുന്നപ്ര അറവുകാട് കണ്ണമ്പള്ളി ജങ്ഷനിൽ നിന്നായിരുന്നു യാത്ര. മാതൃസഹോദരന് വയറുവേദനയെ തുടർന്ന് ആശുപത്രിയിലേക്ക് ഓട്ടോയിലായിരുന്നു യാത്ര.
യാത്രാമധ്യേ സൈഡ് റോഡിൽ നിന്നും ബൈക്ക് യാത്രക്കാരനെ രക്ഷിക്കാനായി ഓട്ടോ വെട്ടിച്ചു മാറ്റുന്നതിനിടെ നിയന്ത്രണം തെറ്റി. പോസ്റ്റിൽ ഇടിച്ച് വൈദ്യുതി കമ്പികളോടൊപ്പം പോസ്റ്റ് വാഹനത്തിലേക്ക് വീണു. ഇതോടെ തത്സമയം രക്ഷാപ്രവർത്തനം സാധ്യമല്ലാതായി.
കെഎസ്ഇബി ജീവനക്കാർ വൈദ്യുതി വിച്ഛേദിച്ച് ഒരു മണിക്കൂർ പരിശ്രമിച്ചു. സ്വാതിയെ പുറത്തെടുത്തെങ്കിലും രക്തം വാർന്ന് മരണമടഞ്ഞു. അഭിലാഷ്, ദീപിക, ഡ്രൈവർ ഹരിസുധൻ എന്നിവർ പരിക്കേറ്റ് രക്ഷപ്പെട്ടു. സ്വാതി പുന്നപ്ര പാലപ്പറമ്പ് വീട്ടിലെ സോണിമോന്റെയും മിനിമോളുടെയും മകളായിരുന്നു.
Photo and News Source: Sathyam Online
