മൈക്രോ എസ്യുവി വിപണിയിൽ മാരുതി സുസുക്കി വലിയ നീക്കം നടത്തുന്നു. ടാറ്റ പഞ്ചും ഹ്യുണ്ടായി എക്സ്റ്ററും ആധിപത്യം പുലർത്തുന്ന വിപണിയിൽ മാരുതി തങ്ങളുടെ പുതിയ ആയുധമായ 'Y43' എന്ന കോഡ് നാമത്തിലുള്ള മൈക്രോ എസ്യുവി അവതരിപ്പിക്കാൻ തയ്യാറായിരിക്കുന്നു. ഇഗ്നിസിനെ പടിക്കുപുറത്താക്കി, ഈ പുതിയ മോഡൽ വഴി 20 ശതമാനത്തോളം വിഹിതമുള്ള മാരുതി, 50 ശതമാനമായി ഉയർത്താനാണ് ലക്ഷ്യമിടുന്നത്. ഹാച്ച്ബാക്കുകളുടെ പ്രാധാന്യം ഇപ്പോൾ എസ്യുവികളിലേക്ക് മാറിയിരിക്കുന്ന ഈ സമയത്ത്, പുതിയ ഉപഭോക്താക്കളെ ആകർഷിക്കാനാണ് ഈ തീരുമാനം.
Y43 മോഡൽ മാരുതിയുടെ പ്രീമിയം ഡീലർഷിപ്പായ നെക്സ വഴി വില്ക്കുമെന്നാണ് സൂചന. ബോക്സി രൂപകല്പനയും ഉയർന്ന ഗ്രൗണ്ട് ക്ലിയറൻസും ഈ വാഹനത്തെ യഥാർത്ഥ എസ്യുവിയാക്കും. ഏകദേശം 3.8 മീറ്റർ നീളമുള്ള ഈ വാഹനം മാരുതിയുടെ ഹാർടെക്റ്റ് പ്ലാറ്റ്ഫോമിലാണ് നിർമ്മിക്കുന്നത്. ഇത് മികച്ച സുരക്ഷയും സ്പെയ്സും ഉറപ്പാക്കുന്നു. ഉയർന്ന സീറ്റിംഗ് പൊസിഷൻ ഡ്രൈവർക്ക് സുഗമമായ ഡ്രൈവിംഗ് അനുഭവം നൽകും.
Photo and News Source: DriveSpark
