പ്രധാനമന്ത്രി നരേന്ദ്ര മോദിയുടെ പ്രസംഗം ഭരണഘടനാ ഭേദഗതി ബില്ലിന്റെ പരാജയത്തെ മറച്ചുവയ്ക്കാനുള്ള നാടകമാണെന്ന് സിപിഐ(എം) ജനറൽ സെക്രട്ടറി എം.എ. ബേബി ആക്ഷേപിച്ചു. ലോക്സഭയിൽ ബിൽ പരാജയപ്പെട്ടതിനെ തുടർന്ന് പ്രധാനമন্ত্রി നടത്തിയ പ്രസംഗം വെറും മുഖം രക്ഷിക്കാനുള്ള ശ്രമമെന്നും അദ്ദേഹം പറഞ്ഞു. പ്രതിപക്ഷ ഐക്യത്തിന്റെ മുന്നിൽ ഏറ്റുവാങ്ങിയ തിരിച്ചടിയിൽ നിന്നുള്ള നാണക്കേട് മറയ്ക്കാനുള്ള വാചക കസർത്താണെന്നും ബേബി വിമർശിച്ചു.
സ്ത്രീ സംവരണ ബില്ലിന്റെ കാര്യത്തിൽ സർക്കാരിന്റെ ഇരട്ടത്താപ്പും അദ്ദേഹം ചൂണ്ടിക്കാട്ടി. പാർലമെന്റിലും നിയമസഭകളിലും ഉടനടി വനിതാ സംവരണം നടപ്പിലാക്കാൻ സാധിക്കുന്നതാണെന്നും, മണ്ഡല പുനർനിർണ്ണയവുമായോ സെൻസസുമായോ ഇതിനെ ബന്ധിപ്പിക്കേണ്ട ആവശ്യമില്ലെന്നും ബേബി അഭിപ്രായപ്പെട്ടു. 2023-ലും ഇപ്പോഴും ഭേദഗതികൾ കൊണ്ടുവരാൻ സർക്കാർ തയ്യാറല്ലെന്നും അദ്ദേഹം ചൂണ്ടിക്കാട്ടി.
സ്ത്രീകളെ രാഷ്ട്രീയ കരുക്കളായി ഉപയോഗിച്ച് നിഗൂഢമായ അജണ്ടകൾ നടപ്പിലാക്കാൻ ബിജെപിയും പ്രധാനമന്ത്രിയും ശ്രമിക്കുന്നുവെന്നും, ഈ രാഷ്ട്രീയ തന്ത്രം ഒളിപ്പിക്കാൻ നടത്തുന്ന നാടകങ്ങൾ ജനങ്ങൾ തിരിച്ചറിയുമെന്നും ബേബി പറഞ്ഞു. പ്രധാനമന്ത്രിയുടെ മുഖംമൂടി ഇപ്പോൾ പൂർണ്ണമായും അഴിഞ്ഞു വീണിരിക്കുകയാണെന്നും അദ്ദേഹം കൂട്ടിച്ചേർത്തു.
Photo and News Source: Kairali News
